ZORAM TODAY| Aizawl 5th June, 2024 (Wed): Vawiin khan Mizoram Sorkar chuan thuchhuah siamin, mi tu pawh Drone/Unmanned Aerial Vehicle/Unmanned Aircraft System hmang reng rengin sawrkar approved 'Digital Sky Platform' a inziak lut leh a khalhtu atan pawh hetiang lam a license nei, Director General of Civil Aviation in training a pawmpui zirna hnen atanga zir chhuak te chauh hman tur a ni, an ti a.

Tin, Nano Drone a nih loh chuan Drone/Unmanned Aerial Vehicle/Unmanned Aircraft System reng reng te hi third party insurance, The Motor Vehicles Act, 1988 (59 of 1988) in a phut angin tih ngei ngei tur a ni, an ti bawk.

Hetiang lam a hriat chian /hriat belh duh tan office hun chhungin GAD, Aviation Wing, 3rd floor, Old Secretariat Building - II, Treasury Square, Aizawl-ah zawh fiah theih reng anih thu an hriattirna chhuah ah tarlan a ni.